ECOVIS საქართველოს აუდიტისა და სხვა მარწმუნებელი მომსახურების დეპარტამენტის სენიორ აუდიტორები - ანანო ხაინდრავა, ნინი გაბუნია, თამარ გუძუაძე, თინათინ ქავთარაძე და ანა ჩაჩხიანი - გასულ წელს კომპანიის საქმიანობაში შეტანილი გამორჩეული წვლილისთვის პარიზის საგზურებით დაჯილდოვდნენ.

კომპანიის ხელმძღვანელობის განცხადებით, გუნდის თითოეული წევრის პროფესიონალიზმი, კვალიფიკაცია და საქმისადმი ერთგულება ECOVIS საქართველოს წარმატებისა და სანდოობის განმსაზღვრელი უმთავრესი ფაქტორია. შესაბამისად, თანამშრომელთა შრომის სათანადოდ შეფასება და დაფასება კომპანიის ერთ-ერთ პრიორიტეტად რჩება.