ECOVIS საქართველომ, წამყვანმა საკონსულტაციო კომპანიამ, წარმატებით დაასრულა ტრენინგი სტრატეგიული აზროვნებისა და მენეჯმენტის მიმართულებით, რომელიც სპეციალურად სენიორებისა და მენეჯერებისთვის ჩატარდა. ეს ინიციატივა კომპანიის სტრატეგიის ნაწილია, რომელიც მიზნად ისახავს თანამშრომელთა კვალიფიკაციის ამაღლებასა და მათ პროფესიულ ზრდას.

ტრენინგის მთავარი მიზანი იყო მონაწილეებისთვის იმ უნარ-ჩვევების განვითარება, რომლებიც აუცილებელია თანამედროვე ბიზნეს გარემოში ეფექტური მენეჯმენტისა და გრძელვადიანი სტრატეგიული გადაწყვეტილებების მისაღებად. ECOVIS საქართველოში მიიჩნევენ, რომ თანამშრომლების პროფესიული წინსვლა და შიდა კარიერული ზრდა კომპანიის კულტურის ფუნდამენტური ნაწილია.

ტრენინგს უძღვებოდა ნატალია ბერუაშვილი, პროფესიული ბიზნეს ქოუჩი.