Ecovis Georgia-ს მნიშვნელოვანი წარმატება!

 2023 წლის აპრილის დასაწყისში განახლდა ინფორმაცია ბუღალტრული აღრიცხვის ანგარიშგებისა და ზედამხადველობის სამსახურის ვებგერდზე აუდიტორული კომპანიების მიერ აუდიტორული საქმიანობიდან* მიღებული შემოსავლების შესახებ.

 2022 წლის შედეგების მიხედვით, როგორც მხოლოდ ფინანსური ანგარიშგების აუდიტიდან, ასევე სულ აუდიტორული საქმიანობიდან მიღებული შემოსავლის მიხედვით, ეკოვისი საქართველოში მეშვიდე ადგილზეა. 2022 წელს, გასულ წელთან მიმართებაში, მხოლოდ ფინანსური ანგარიშგების აუდიტიდან მიღებული შემოსავალი გაიზარდა 27 %-ით, ხოლო სულ აუდიტორული საქმიანობიდან მიღებული შემოსავალი კი 31%-ით.

 ჩვენი შარშანდელი ზრდის ტემპი უსწრებს როგორც ზოგადად ბაზრის, ასევე ჩვენი პირდაპირი კონკურენტების ზრდის ტემპს, რაც გვაძლევს საფუძველს ვირწმუნოთ, რომ ჩვენი მომსახურების ხარისხი, თანამშრომლების კვალიფიკაცია და საქმისადმი დამოკიდებულება საშუალებას გვაძლევს წლიდან წლამდე გავზარდოთ პორტფელი და უფრო მეტ საშუალო და დიდი ზომის ბინზესს შევთავაზოთ ჩვენი მომსახურებები.

მიღწეული შედეგი საამაყოა ECOVIS Georgia-ს გუნდის თითოეული წევრისთვის, ასევე ყველა იმ ადამიანისთვის, ვისი დამსახურებითაც შესაძლებელი გახდა ამ მნიშვნელოვანი წარმატების მიღწევა.

თუ თქვენ ჯერ არ აგირჩევიათ 2022 წლის ფინანსური ანგარიშგების აუდიტორი ან განიხილავთ აუდიტორის ცვლილებას, დაგვიკავშირდით ნებისმიერ დროს, ჩვენ გვჯერა რომ ჩვენი მომსახურების ხარისხი და კვალიფიკაცია სრულად უპასუხებს თქვენს მოლოდინებს. 

ჩვენ ვართ ეკოვისი და ჩვენ ვქმნით ახალ რეალობას.

*აუდიტორულ საქმიანობას განეკუთვნება:

• ფინანსური ანგარიშგების აუდიტი;
• სხვა მარწმუნებელი მომსახურება;
• შეთანხმებული პროცედურები;
• კომპილაციური ტიპის გარიგებები.