ნათია შამუგია გახლავთ საგადასახადო კონსულტანტი 10 წელზე მეტი სამუშაო გამოცდილებით როგორც საჯარო, ისე კერძო სექტორში. მას გააჩნია თბილისის სახელმწიფო უნივერსიტეტის ეკონომიკის საერთაშორისო სკოლის (ISET) ეკონომიკის მაგისტრის ხარისხი.

ECOVIS Georgia-ში ნათია ხელმძღვანელობს საგადასახადო კონსულტაციების გუნდს და უწევს კლიენტებს კონსულტაციებს ადგილობრივი თუ საერთაშორისო დაბეგვრის საკითხებზე, რომელიც მოიცავს მათ შორის საგადასახადო დაგეგმვას, საგადასახადო დავების წარმოებას, წინასწარი გადაწყვეტილებების მომზადებას და განხილვებში მონაწილეობას.

ECOVIS-ს სანამ შემოუერთდებოდა, 2015 წლამდე, ნათია მუშაობდა შემოსავლების სამსახურში, სადაც მონაწილეობდა საგადასახადო პოლიტიკის რეფორმებსა და კანონმდებლობის ცვლილებების შემუშავებაში, ასევე ჩართული იყო წინასწარი გადაწყვეტილებების მოთხოვნების განხილვის და სიტუაციური სახელმძღვანელოების რედაქტირების პროცესში.

ნათიას გააჩნია ასევე საერთაშორისო პროექტებში ჩართულობის მრავალწლიანი გამოცდილება, რომელიც მოიცავს საქართველოს, ალბანეთისა და უზბეკეთის მთავრობებთან მუშაობას საგადასახადო რეფორმების საკითხებში, ასევე მონაწილეობას USAID-ის „მმართველობა ზრდისთვის" (Governing for Growth), „კარგი მმართველობის ფონდის" (Good Governance Fund) და „ეკონომიკური მმართველობის პროგრამის" (Economic Governance Program) პროექტებში.

ნათიას განსაკუთრებული ინტერესის სფეროს წარმოადგენს საერთაშორისო დაბეგვრა. ასევე დაინტერესებულია ფსიქოლოგიით და მართვის თანამედროვე მიდგომებით.

Linkedin: ნათია შამუგია